Втората генерација на Surface Duo подобрена во секој поглед

Претходниот модел Surface Duo ги покажа на дело своите недостатоци, па затоа сега Duo 2 е подобрен и повеќето од тие недостатоци, Microsoft ги поправи. Surface Duo 2 овој пат доаѓа со најмоќниот мобилен хардвер и го покренува Snapdragon 888, а овој пат ќе дојдат на своето и љубителите на фотографија, затоа што овој смартфон има 3 камери од задната страна на уредот.

Главна карактеристика на телефонот се два екрана, при што нивната дијагонала изнесува 5,8 инчи со фреквенција од 90Hz, а кога телефонот е отворен, површината на екранот изнесува 8,3 инчи. Се разбира, ова не е преклопен телефон и екраните се одвоени, така што нема само една површина на екранот како кај Galaxy Fold. Цената на Surface Duo 2 изнесува 1500 долари.