Google официјално ги претстави Pixel 6 и Pixel 6 Pro со нов „Camera Bar“

Со Pixel 6 и Pixel 6 Pro, Google го направи најголемиот скок после Nexus серијата. Новите телефони се со тотално нов дизајн, свој Tensor чип, подобрена камера, поголема батерија, одличен софтвер и пристојна цена. Google ги изработил новите смартфони со Gorilla Victus стаклен дизајн и метална рамка. Pixel 6 е со полиран алуминиум, а Pixel 6 Pro е со матиран алуминиум.

Селфи камерите се во центарот кај двата модела, а Pixel 6 Pro има заоблен дисплеј и потенки рамки од Pixel 6. Најголемата промена кај новите смартфони е од задната страна. На задната страна има три нијанси на бои и долга линија за камерите хоризонтално обоена во црно. Google го нарекува тоа Camera Bar. Под камерата имате друга боја и G логото во средина. 

Google вградил LTPO екрани кај Pixel 6 серијата, Pixel 6 Pro има 6.7-инчен Smooth Display со QHD+ резолуција и 120Hz. Pixel 6 е со 6.4-инчен Smooth Display со FHD+ резолуција и 90Hz. Smooth Display има AI „магија“ во него за автоматско подесување на параметрите и ги оптимизира со цел да го добиете најдоброто искуство при гледањето и за перформансите на батеријата.

Сензорот за отпечатоци на прсти е вграден во екраните на Pixel 6 и Pixel 6 Pro, а двата телефона се со IP68 сертификат. Tensor чипот е голем потег за Google, кој има за 80% подобри перформанси во споредба со претходната Pixel 5 генерација и 370% подобри графички перформанси. Pixel 6 и Pixel 6 Pro се со вграден Tensor чип и дополнителен процесор за слики и Titan M2 безбедносен чип. 

“Google Tensor е најголемата мобилна хардверска иновација во историјата на компанијата. Ова е кулминација од годините вложени во AI, и големото искуство на Google“, изјави Рик Остерлоу за време на настанот.

Официјалните спецификации на Pixel 6 се:

    6.4" 90Hz 1080p дисплеј.
    Google Tensor процесор со 2x 2.8GHz X1, 2x 2.25GHz A78, и 4x 1.8GHz A55.
    Mali-G78 GPU
    50MP Samsung GN1 главен сензор.
    12MP Sony IMX386 ултраширок сензор.
    8MP селфи камера.
    4614mAh батерија.
    8GB RAM/256GB меморија. 
    Цена 599 долари.

Официјалните спецификации на Pixel 6 Pro се:

    6.71" 120Hz 1440p заоблен дисплеј.
    Google Tensor процесор со 2x 2.8GHz X1, 2x 2.25GHz A78, о 4x 1.8GHz A55.
    ARM Mali-G78 GPU
    50MP Samsung GN1 главен сензор.
    48MP sensor with 4x перископска леќа за зум.
    12MP Sony IMX386 ултраширок сензор.
    12MP селфи камера.
    5000mAh батерија, 33W брзина на полнење/
    12GB RAM/512GB меморија.
    163.9 x 75.8 x 8.9 мм (6.45 x 2.98 x 0.35 in) димензии.
    6.17 oz (175 грами) тежина.
    Цена 898 долари.