Samsung Galaxy S22 Ultra ќе биде со поддршка за брзо полнење

Samsung Galaxy S22 сега е во фокусот на вниманието, со оглед на тоа што пристигнува на почетокот на следната година. Стандардниот модел и S22 Plus ќе понудат побрзо полнење во споредба со претходната генерација, која е со 25W.

Според ликстерот Ice Universe, Galaxy S22 Ultra ќе биде со 45W брзо полнење, додека батеријата ќе биде со 5,000mAh и ќе и бидат потребни само 35 минути за да стигне до 70%. S22 Ultra се очекува да биде со 6.8-инчен екран и мала дупка за предната камера. Задната камера ќе биде со главен сензор од 108MP, 12MP ултраширок сензор, две телефото камери од 12MP и LED сијаличка. Под хауба се очекува да има Qualcomm Snapdragon 898 процесор или Exynos 2200.