Netflix нуди мобилни видео игри дури и кога немате пристап кон интернет

Netflix ја употреби постоечката платформа за да понуди и мобилни видео игри за корисниците. Оние што гледаат Netflix преку Android мобилни телефони и таблети, имаат на располагање пет мобилни игри: Stranger Things: 1984 (BonusXP), Stranger Things 3: The Game (BonusXP), Shooting Hoops (Frosty Pop), Card Blast (Amuzo & Rogue Games) и Teeter Up (Frosty Pop).

Не ви треба никаква опрема за играњето на видео игри, доволно е да имате само профил на Netflix и Android мобилен телефон или таблет. Netflix истакнува дека ќе бидат понудени и игри на различни јазици. Игрите ќе може да се играат на различни уреди што користат ист Netflix профил, а ако е поставена родителска заштита на профилот, таа ќе важи и за видео игрите. Мобилните игри ќе ви бидат достапни и кога немате пристап кон интернет, што значи дека може да се забавувате и кога патувате или интернетот едноставно не функционира.