Google започнува со тестирање на опција што ќе ги воодушеви гејмерите

Минатата година Google најави голем новитет за Android и персоналните компјутери - игрите достапни на Google Play ќе може да се играат и на персонален компјутер. Тогаш е најавено дека оваа опција ќе стане достапна во текот на 2022 година, а оваа недела направиле голем чекор во таа насока.

Објавена е првата тестна верзија на Google Play Games, која пристигнува на компјутерите на корисниците на пазарот во Хонг Конг, Тајван и Јужна Кореја. Сите заинтересирани од тие пазари сега може да се пријават за тестирање на мобилните игри на своите компјутери, а треба да очекуваме и таа опција наскоро да стане достапна и на другите пазари, пред да ја објават финалната верзија што ќе биде наменета за сите.