Кина произведе бионички робот со четири нозе, најголем во светот

Кина произведе електричен робот со четири нозе, кој е најголем во светот. Новиот кинески бионички робот изгледа огромно, што е резултат на тоа што Кина сака да стане глобален лидер во роботиката до 2025 година.

Роботот може да се движи напред и назад, да се врти, оди дијагонално, може да трча и да скока, благодарение на 12 сетови зглобни модули. Опремен е со сензори за да се снајде во околината, а може да се прилагодува и на различни терени: на скалила, канали, карпи, патишта со кал, пустини, снег и друго. Најважното е тоа што може да се вооружи и да носи до 160кг товар и да постигне брзина на движење до 10 км/ч.