Honor претстави нови смартфони, часовник и безжични слушалки

Објавено на 01.03.2022 во Новости



Honor претстави нови смартфони, часовник и безжични слушалки

Mobile World Congress почна во Барселона. Сите компании сега ги презентираат своите новитети и нови модели на смартфони. Honor ја претстави новата линија на Magic 4 серијата на смартфони. Honor Magic 4 и Honor Magic 4 Pro се опремени со најсовремена технологија, додека новиот смартчасовник Honor GS 3 и Honor Earbuds 3 Pro слушалките го надополнуваат екосистемот на Honor.

Новите Honor смартфони се опремени со Qualcomm Snapdragon 8 Gen 1 5G, со поддршка на Qualcomm 7th Gen AI Engine системот и Cortex-X2 CPU архитектура. Како што се истакнува, во споредба со претходната генерација, Honor Magic 4 серијата ги подобрува перформансите за 20%, перформансите на GPU за 30% и AI можностите за 300%. Honor Magic 4 серијата е опремена со 8GB RAM и 256GB меморија. 

Honor Magic 4 серијата има поддршка за Honor Turbo Engines системот што ги подобрува перформансите на процесорот, а Honor OS Turbo X обезбедува непречена работа на хардверот и софтверот. Ја поседува прв AI Super Rendering технологијата за игри преку GPU Turbo X, овозможувајќи неверојатна брзина на приказ и мрежна поставеност, намалувајќи ја топлината и латентноста. 

Смартчасовникот Honor GS 3 е инспириран од традиционалните механички часовници и се карактеризира со елегантен и модерен дизајн од нерѓосувачки челик 316L со тежина од само 44g. Со над 100 начини на вежбање, овозможува прецизни можности за следење на рутите и користи вграден L1/L5 двофреквентен GNSS (Глобален навигациски сателитски систем) за време на трчањето, возењето на велосипед или планинарење на отворено. Honor исто така најави лансирање на новите Honor Earbuds 3 Pro слушалки. Интересно е што тие можат да мерат и телесна температура.