Украинскиот претседател му се заблагодари на Илон Маск за помошта

Украинскиот претседател Володомир Зеленски се заблагодари на технолошкиот милијардер Илон Маск што ја поддржува Украина со својот сателитски интернет систем Starlink. Следната недела ќе добиеме уште една серија од системот на Starlink за уништените градови, напишал Зеленски и му се заблагодарил на Маск „затоа што ја поддржува Украина со зборови и со дела“.

Украинскиот челник рекол дека разговарале и за „можните вселенски проекти. Но, за тоа ќе разговараме кога ќе заврши војната“, вели Зеленски. Starlink, системот на Маск во компанијата SpaceX, ќе им овозможи пристап кон интернет на Украинците доколку се уништи телекомуникациската мрежа во борби.