Apple утре ги открива новите iPhone SE 3 и iPad Air 5
Утре ќе се реализира новиот настан на Apple's Peek Performance, каде ќе бидат претставени новите iPhone SE 3 и iPad Air 5. Компанијата ќе го претстави првиот iPhone SE со 5G технологија, кој ќе биде со ист дизајн како моделот од 2020 година, само што ќе биде со A15 Bionic процесор како iPhone 13 серијата, како и подобрената камера.
Минг-Чу Куо открива дека доаѓа во верзија со 64GB, 128GB, и 256GB меморија, во бела, црна и црвена боја. Почетната цена би можела да биде $300, што значи дека ќе биде поевтин од претходниот iPhone SE 2, кој чинеше $399. Се очекува телефонот да почне со продажба од 10 март. Се очекува и нов модел на iPad Air од четвртата генерација, со побрз A15 процесор и 5G конекција. Би можел да добие 12MP Ultra Wide предна камера и Center Stage алатка, што ја остава сликата да стои за време на видео повици.
Се очекуваат нови модели на Mac и веројатно нов монитор. Излегува новиот Mac mini, 13-инчен MacBook Pro и iMac. Би требало да имаме и нов iMac Pro монитор или помал Mac Pro. Apple работи на нов M2 чип, кој што наводно ќе биде со 8-јадрен процесор и 10 GPU јадра. Новиот Mac mini ќе биде со M2 и M1 Pro варијанта, додека iMac Pro со M1 Pro и M1 Max, во зависност од моделот, додека MacBookPro ќе биде со M2 под хауба. Настанот, како што рековме погоре, ќе се одржи официјално утре, на 8 март.
