Sony Xperia 1 IV 5G: Протекоа нови рендери и спецификации
Sony 1 IV е новиот модел на компанијата, за кого се уште немаме официјални информации. Во меѓувреме @OnLeaks и @GizNext објавија видеа со него, додека рендерите се изработени од LetsGoDigital и Technizo Concept. Следниот предводник на Sony Xperia се очекува да биде со Snapdragon 8 Gen 1 процесор.
Sony малку заостана во сегментот на продажба на смартфони, но сепак не се откажува од компонентите што ги произведува за смартфоните, па така некако се обидува и да се протне во оваа индустрија. Xperia 1 IV е новиот модел од кого се очекува да пристигне со Gorilla Glass Victus заштита на дисплејот, 6.5-инчен екран со 4K резолуција, 120Hz и 12GB / 16GB RAM меморија, и 256GB/512GB внатрешна меморија.
Батеријата би требало да биде 5000mAh со 45W брзо полнење. Задната камера би требало да биде тројна со три сензори од 12MP, и 2.9x и 4.4x оптички зум. Други шпекулации има и дека ќе има 50MP и 48MP Quad-Bayer сензори на камерата. Xperia 1 IV ќе биде со 5G сигнал и Android 12 прединсталиран софтвер.
