Викинзи: Валхала е новата најгледана серија на Нетфликс

Телевизиската серија „Викинзи: Валхала“ на Нетфликс за кратко време стана најгледана серија на популарната стриминг платформа. Новата приказна се базира на серијата Викинзи, сместена на почетокот на 11 век, која што го следи животот на некои од најпознатите Нормани – Леиф Ериксон, неговата сестра Фрејдис Ериксдотер и амбициозниот нордиски принц Харалд Сигурдсон. 

Новата историска серија е на врвот на светската ранг листа за најгледани серии на платформата. Нетфликс соопшти дека е задоволен од резултатите, па веќе се спрема втората и третата сезона. Креаторот на серијата, Џеб Стјуарт, потврди дека снимањето на втората сезона веќе е почнато: „Приказните за Леиф, Фрејдис, Харалд, Олаф, Кануте и останатиот дел од нашата неверојатна екипа се тајна. Можам без двоумење да кажам дека нивните патувања ќе бидат уште повпечатливи од она што сте го виделе досега!“. 

113 милиони часови се поминати гледајќи ја серијата „Викинзи: Валхала“, а на второ место е серијата „Замислувајќи ја Ана“ (Inventing Anna) со 77,5 милиони поминати часови во гледање на глобално ниво.