Xiaomi ја претстави новата серија на Xiaomi 12
Xiaomi ја претстави новата серија на смартфони Xiaomi 12: Xiaomi 12 Pro, Xiaomi 12 и Xiaomi 12X. Моќна камера, долготрајна батерија и брз процесор, тука е ставен акцентот кај новите модели. Xiaomi 12 Pro има тројна камера со резолуција од 50MP, додека Xiaomi 12 и Xiaomi 12X со 13MP главен сензор во комбинација со телемакро камера од 5MP.
Xiaomi 12 Pro и Xiaomi 12 доаѓаат со Snapdragon 8 Gen 1, додека Xiaomi 12X е со Snapdragon 870 5G процесорот, додека сите три модели доаѓаат со UFS 3.1 брзина за вчитување на податоци и LPDDR5 RAM меморија со брзина од 6.400 Mb/s. Трите модели имаат AMOLED Dot Display со DisplayMate оценка A+, Dolby Vision и HDR 10+.
Xiaomi 12 Pro има 6,73-инчен WQHD+ екран со AdaptiveSync Pro технологија, LTPO екран со 120 Hz, додека Xiaomi 12 и Xiaomi 12X се со 6,28-инчен full-HD+ екран и поддршка за 120Hz AdaptiveSync. Xiaomi е со MIUI 13 интерфејс, Xiaomi 12 Pro има 120 W полнење со Xiaomi HyperCharge, и ја полни батеријата од 4.600 mAh за 18 минути, додека Xiaomi 12 и Xiaomi 12X имаат батерии од 4500 mAh со 67 W турбо полнење.
Xiaomi 12 Pro е достапен со меморија од: 8GB + 256GB, 12GB + 256GB, за цена од 1000 долари, Xiaomi 12: 8GB + 128GB, 8GB + 256GB, 12GB + 256GB, за цена од 749 долари и Xiaomi 12X е во две варијанти: 8GB + 128GB, 8GB + 256GB за 649 долари.
