Вработените на Twitter во страв дека Илон Маск може да ја уништи културата на компанијата

Twitter неделава е главна тема на разговор во технолошката индустрија после објавата дека Илон Маск станал негов најголем акционер и дека влегол во управниот одбор на компанијата. 

Со доаѓањето на шефот на Tesla, најавен е еден голем новитет на социјалната мрежа, а тоа е воведувањето на опции за уредување на објави, што корисниците го бараат веќе со години. Маск веќе најави „значителни подобрувања“ во Twitter, што предизвикало голем интерес кај корисниците, но повеќето вработени и не се многу воодушевени со изборот на новиот член во одборот. Тие сметаат дека тој ќе ја оштети културата на компанијата.