Samsung доби 71 награда на iF Design Awards, со три Gold Awards за дизајн

Дизајнот на производите е клучен сегмент за да успеете. Уредот што има одличен изглед е главен предуслов за да се продава. Затоа компаниите се трудат да го направат најдобриот дизајн кај своите производи. Така Samsung соопшти дека земал 71 награда со три Design Gold Awards, на овогодинешниот настан iF Design Awards, Германски меѓународен натпревар за дизајн.

Заменик претседателот на Samsung Electronics Design Management Center, Џинсу Ким, вели дека „ е важно да дизајнирате таков дизајн, што ги подобрува вредностите и иновативната технологија“.

Samsung добил награди за домашни уреди, за телевизори, за смартфони и софтверски дизајн. Меѓу нив се наоѓаат Galaxy Buds 2 и Samsung One UI 4, што е модифициран интерфејс од Android 12. Најпрестижните награди за време на конференцијата на iF Design Awards 2022, биле Design Gold Awards.

Трите награди од Design Gold Awards на Samsung се однесуваат за: 

- The Freestyle, што е одличен портабилен проектор/Bluetooth звучник со 180 степени за ротација и екран до 100 инчи
- Galaxy Z Flip 3, потенок дизајн и надворешен дисплеј, со одлично корисничко искуство.
- The Bespoke Slim, правосмукалка дизајнирана за да биде лесна за употреба.