Sony Xperia 1 IV излезе на Geekbench со новиот чип на Snapdragon

Следниот предводник Sony Xperia 1 IV, се појави на Geekbench, со кодно име XQ-CT54. Од овде може да се види дека под хауба ќе го има најновиот процесор Qualcomm Snapdragon 8 Gen 1. Моделот би можел да биде со 12GB RAM меморија,  512GB внатрешна меморија и Android 12. 

XQ-CT54 очигледно е европскиот модел, додека другите два модела XQ-CT72 и XQ-CQ72, се појавиле во дата базата Eurasian Economic Commission (EEC) во ноември. XQ-CT54 и американскиот модел XQ-CT64 ќе бидат компатибилни со eSIM. Xperia 1 IV ќе добие надградба во камерата, што може да ја зголеми цената од 6 до 20%. 

Новиот модел ќе биде со 6.5-инчен екран од 120Hz, 5,000mAh батерија, сензор за отпечатоци, и 3.5мм џек за слушалки. Според гласините, Xperia 1 IV се очекува да биде лансиран во мај.