Сега може да ги линкувате Fitbit и Google Fit со Google Assistant

Со неодамнешното лансирање на Google Pixel Watch и блиското партнерство со велнес експертите од Fitbit, кој што Google го купи минатата година, очигледно е дека гигантот сака да направи сериозен чекор напред на пазарот на фитнес уреди. Google Assistant отсега ќе може да го интегрирате со опциите на Google Fit и специјалната Fitbit апликација.

Повеќе корисници може да ги поврзаат Google Fit и Fitbit со нивните Assistant Settings, а алатките излегуваат за сите Google уреди со поддршка за Assistant. Со поврзаувањето со Google Assistant, добивате пристап до параметрите од вашата физичка активност, од тоа што го вежбате, колку чекори сте направиле, времетраењето во сето тоа, изгорени калории, темпо, колку километража сте се движеле и отчукувањата на срцето.