Apple ќе ги открие iPhone 14, Apple Watch 8 и AirPods Pro 2 на 13 септември
Следниот iPhone ќе биде откриен во септември, како и секоја година: 6.1-инчен iPhone 14, 6.7-инчен iPhone 14 Max, 6.1-инчен iPhone 14 Pro, и 6.7-инчен iPhone 14 Pro Max. Очигледно е дека Apple ја продлабочува разликата меѓу Pro и обичните iPhone модели годинава.
Apple под хауба на iPhone 14 Pro моделите ќе вгради 4nm A16 Bionic чипсет, додека класичните модели ќе бидат со 5nm A15 Bionic процесор, што го имаше кај iPhone 13. Другата разлика меѓу iPhone 14 Pro моделите и обичните модели ќе биде исечокот за FaceTime и True Depth камерата, која доаѓа во форма на „i“ (i-shaped). Обичните модели доаѓаат со класичен засек на предната камера. iPhone 14 Pro и iPhone 14 Pro Max ќе бидат со 120Hz ProMotion дисплеј, а широкиот сензор од 48MP ќе биде кај премиум моделите исто така.
iPhone 14 и iPhone 14 Max почнуваат со цена од $799 и $899, соодветно, додека меморијата ќе биде со 128GB, 256GB и 512GB. iPhone 14 Pro и iPhone 14 Pro Max би можеле да почнат со цена од $1,099 и $1,199, соодветно, со меморија од 256GB, 512GB, 1TB, и можеби 2TB.
Apple би можел да претстави и три модели на Apple Watch 8, нов Apple Watch SE буџетски смартфон и нова Extreme Edition серија за пазарот на смартчасовници за отворени спортови и физички активности. AirPods Pro 2 се исто така на менито, TWS слушалките, кои ќе бидат со следната генерација на Active Noise Cancellation технологија и поддршка за Lossless Audio. AirPods Pro 2 би можеле да бидат со поддршка за USB-C полнење.
