Motorola го спрема Frontier со резолуција од 200MP и 125W полнење!?

Motorola го спрема новиот модел на смартфон и кај него става акцент на камерата. Компанијата објавила тизер на кинеската социјална мрежа Weibo, дека новиот смартфон ќе има камера со главен сензор од 200MP. Се уште немаме многу детали за овој модел, но ова ќе биде моќна камера. 

Кодното име на телефонот е Motorola Frontier, кој би требало да има екран од 6,67 инчи и 144Hz, со Snapdragon 8 Plus Gen 1 процесор, батерија од 4500mAh, поддршка за безжично полнење од 50W и 125W жичено полнење, што значи дека за 20 минути би требало да стигне до 100%, па дури и пократко. Главната камера од 200MP ќе биде сензорот Isocell HP1 на Samsung, ултрашироката камера ќе биде 50MP и телефото сензорот 12MP. Предната камера ќе биде 60MP.