Првиот човек на Binance: Време е за вработување и аквизиции

Објавено на 15.06.2022 во Крипто



Првиот човек на Binance: Време е за вработување и аквизиции

Прогнозите за крипто пазарот се прилично негативни, покрај големите падови и губење огромни суми на пари. Еден од оптимистите што смета дека е време за инвестирање во криптовалутите е Чангпенг Жао.

Жао смета дека сега е време кога треба да се купуваат други компании и да се инвестира во таленти, односно нови вработени. Чангпенг Жао е ко-основачот и извршен директор на најголемата светска берза за криптовалути - Binance. Кога вредноста на bitcoin и другите криптовалути беше многу повисока, тој се сметаше за еден од најбогатите луѓе на светот. Се претпоставуваше дека Жао тогаш располага од 96 до 140 милијарди долари. 

„Binance, не само што не го стопира вработувањето и не дава откази како конкурентите, туку и вработува нови луѓе. Додадена е и нова, поголема брзина за спојување и преземање“, вели шефот на Binance.