Galaxy Z Fold 4, Flip 4, Watch 5, и Buds Pro 2: Детали и слики
Samsung моментално е во фаза на подготовка за презентација на новите уреди: Galaxy Z Fold 4, Flip 4, Galaxy Watch 5 дуото и Galaxy Buds Pro 2. Компанијата ќе го одржи својот Unpacked евент на 10 август. Се очекува цените на Galaxy Z Fold 4 и Flip 4 да бидат исти како на претходниците.
Ликстерот SnoopyTech тврди дека Galaxy Z Fold 4 доаѓа со 12GB RAM + 256GB / 512GB меморија. Не би било неочекувано да има и 1TB верзија. Fold 4 би требало да биде достапен во сиво-зелена боја, фантом-црна и беж боја, што значи дека црвената верзија ќе биде лимитирана.
Flip 4 ќе биде со 8GB RAM + 128GB / 256GB / 512GB меморија и боите ќе бидат: сина, графитна, розево-златна и бора-виолетова боја.
Рендери се објавени за Galaxy Watch 5, при што се очекува Galaxy Watch 5 Pro да ја замени Classic верзијата, и да ја прескокне физичката рамка, а ќе понуди три-дневно траење на батеријата и ќе биде достапен во црна и титан боја, покрај класичните бои: графитна, сафирна, силвер и розево-златна нијанса.
Се разбира, ако ги очекувате Galaxy Buds Pro 2, Snoopy има вести за вас. Наследникот на Buds Pro, ќе има цена од околу €229.