Motorola најави два нови моќни телефони: Motorola X30 Pro и S30 Pro

Објавено на 12.08.2022 во Новости



Motorola најави два нови моќни телефони: Motorola X30 Pro и S30 Pro

Веќе слушнавме дека Motorola го најави новиот Moto Razr неколку часа пред најавата на Samsung Galaxy Z Flip 4, но беа лансирани и уште два нови модела на Motorola: Motorola X30 Pro и S30 Pro. Motorola се уште не дава информација дали ќе бидат достапни надвор од Кина.

Motorola X30 Pro располага со 200MP Samsung HP1 ISOCELL главен сензор на камерата со OIS технологија и 8K 30fps видео снимање. Имаме огромен 6.7 инчен AMOLED дисплеј со стапка на освежување од 144Hz и најновиот процесор на Qualcomm. Добивате 125W брзо полнење и батерија со капацитет од 4610mAh. Motorola тврди дека може да го наполните X30 Pro до 50% за само 7 минути, а за 19 минути може да се наполни до 100%. Реверзибилното полнење е со 10W. 

Motorola S30 Pro е вториот предводник, со малку послаби, но сепак моќни спецификации. Има 144Hz на екранот, 6.55 инчен екран, Snapdragon 888+ процесор, главна камера од 50MP f/1.8, 125W моќно полнење .

Автор: Aleksandar Stankov