Xiaomi Mix Fold 2 официјално излегува со најмоќниот процесор и OLED панел

Август е месецот на преклопни смартфони. Samsung, Motorola, и сега Xiaomi. Официјално излегува новиот преклопен смартфон Xiaomi Mix Fold 2, кој доаѓа со 8 инчен OLED панел, 1914x2160 резолуција и 120Hz стапка на освежување, а кога е склопен екранот изнесува 6.56 инчи.

Xiaomi Mix Fold 2 под хауба има Snapdragon 8+ Gen 1 процесор, 4,500mAh батерија, 67W полнење, 12GB RAM меморија и 1TB внатрешна меморија, но ќе го има и со помала меморија од 256GB.

Камерата ќе биде со главен сензор Sony IMX766 и оптичка стабилизација на сликата со оптика од Leica. Ултра-широка камера ќе има од 13MP и 8MP телефото камера. За селфи ќе има 20MP камера. 

Корисничкиот интерфејс ќе биде MIUI Fold 13, базиран на Android 12 оперативен систем. Xiaomi Mix Fold 2 почнува со цена од 1340 долари.