IFA 2022: Берлин повторно станува средиште за потрошувачка електроника

Објавено на 29.08.2022 во Смарт



IFA 2022: Берлин повторно станува средиште за потрошувачка електроника

После две пандемиски години, саемот за потрошувачка електроника и домашни апарати, IFA Berlin, се враќа во полн сјај. Од 2 до 6 септември, потрошувачите на едно место ќе може да ги видат најновите ТВ приемници со исклучително остра слика и полн звук, ќе уживаат во пијалок од врвни апарати за кафе, ќе добијат совети од професионални кувари за најновиот апарат за готвење на пареа, ќе откријат бројни начини за заштеда на енергија во домот и ќе учествуваат во демонстрации со суперпаметни уреди за паметен дом. 

Како што истакнуваат организаторите, во над 30 изложбени сали, ќе се соберат стартап компании и големите играчни: AEG/Electrolux, AVM, Beurer, Beko Grundig, Bosch, Haier, HAMA, Huawei, JURA, Liebherr, LG, Metz, Miele, Panasonic, Siemens, Samsung и TCL. Повисоките лица на меѓународни компании за време на IFA ќе одржат говор за својата визија за иднината. Тие ќе бидат од Arçelik, Huawei, Honor, Qualcomm и Schneider Electric.