Apple Watch Ultra доби апликации за екстремни спортисти во App Store

Apple Watch Ultra дебитираше заедно со Apple Watch 8 и iPhone 14 серијата, минатата недела на Apple Far Out евентот. Apple Watch Ultra допрва ќе пристигне во продавниците, утре, во петок. Apple Watch Ultra не е обичен смарт часовник, затоа што доаѓа со многу функционалности, со цел да може да им служат на атлетичарите и физички активните луѓе.

Apple развил неколку апликации со цел да го подобри Apple Watch Ultra. Двете нови апликации во App Store се: Siren и Depth. Siren е самообјаснувачка апликација, која што овозможува на Apple Watch Ultra да емитира тревога од 86 децибели, која што може да се слушне (според Apple) во радиус од 180 метри. Ова е добро за оние што се качуваат по планини или што се занимаваат со било какви опасни активности.

Depth апликацијата им овозможува на корисниците да ја мониторираат длабочината кога нуркаат, температурата на водата и времето поминато под вода. Најголемата длабочина до која што може да се користи апликацијата е 40 метри.