BeReal е најдобрата iPhone апликација на годината прогласена од Apple

Објавено на 01.12.2022 во iOs



BeReal е најдобрата iPhone апликација на годината прогласена од Apple

BeReal е социјалната мрежа што Instagram, TikTok и Snapchat ја копираат цело време, а Apple ја прогласи за апликација на годината за iPhone во својот App Store. Преку BeReal може да објавувате и споделувате фотографии со своите следбеници. 

По еднаш дневно апликацијата испраќа известувања по што корисниците имаат малку време за своја објава, која што мора да биде снимена со две камери. Целта на BeReal е корисниците да ги демонстрираат реалните ситуации во кои што се наоѓаат, затоа и постои краток временски рок за корисниците да не се спремаат предолго време. Апликацијата е достапна од 2020 година, но својата популарност ја стекна овие две години.  

Apple ја прогласи GoodNotes 5 за најдобра апликација на iPad, која што овозможува синхронизација на дигитални записи за сите Apple уреди, а за Mac е прогласена MacFamily Tree апликацијата за приказ и уредување на семејното стебло. Gentler Streak доби награда за најдобра апликација на Apple Watch, наменета за фитнес. Најдобрата апликација за iPhone игри е Apex Legends Mobile, најдобра игра за iPad е Moncage, а награда за најдобра игра на Mac доби Inscryption.