OPPO Find N2 Flip: Откриени спецификациите од листингот на Geekbench

OPPO е еден од најмоќните натпреварувачи на пазарот на смартфони, кој се натпреварува и на пазарот на преклопни смартфони, каде што Samsung е доминантен. Најновиот модел на кинескиот бренд е OPPO Find N2 Flip, кој веќе дебитираше во Кина на 15 декември, 2022 година.

Неодамнешните резултати од тестовите на Geekbench, укажуваат дека ќе има и глобално лансирање во блиска иднина. Спецификациите на OPPO Find N2 Flip ги откри Geekbench листингот: 902 поени од едно јадро и 3132 поени од сите јадра. Колку за споредба, Galaxy Z Flip 4 има 1305 поени од едно јадро и 3782 од сите јадра. 

Find N2 Flip пристигнува со Android 13 оперативен систем, 8GB RAM меморија, 4 јадрен процесор со 1.80 GHz, 3 со 2.85GHz, и 1 јадро со 3.20 GHz. OPPO Find N2 Flip го има и со 16GB RAM меморија и 512GB внатрешна меморија, 4,300mAh батерија, 44W брзо полнење и 6.8" дисплеј со резолуција од 1080 x 2520 пиксели.