Apple во фаза на развој на реверзибилно безжично полнење за iPhone

Реверзибилното полнење прво дебитираше со Huawei Mate 20 Pro во 2018 година. Samsung ја именуваше оваа опција Power Share и ја лансираше со Galaxy S10 серијата во 2019 година. Очигледно, иднината е во безжичното полнење и можноста да го полните телефонот од вашите пријатели, со едноставно приближување на двата уреда, грб-со-грб.

Реверзибилното полнење е достапно кај многу Android телефони, на пример го има и кај Pixel 6 и Pixel 7, но се уште го нема кај iPhone. Според 9to5Mac, Apple развива реверзибилно полнење на следните iPhone телефони. Apple моментално извршувал оптимизација на софтверот за таа цел. Дали ќе пристигне оваа опција кај iPhone 15 серијата, се уште останува непознато.