iPhone многу полесно ќе се поврзува со Windows 11

Microsoft најави дека воведува промени со цел нивниот оперативен систем Windows 11 да комуницира со iPhone уреди и да ги прикажува известувањата, да испраќа пораки и да упатува и прима повици. Microsoft ја нарекува новата опција Phone Link за iOS, а ќе ги поврзува iPhone и Windows 11 преку Bluetooth.

Со поврзувањето на iPhone и Windows, се овозможува основна поддршка за повици, пораки и известувања за апликацијата. Новиот софтвер на Microsoft на почетокот ќе биде понуден во ограничено јавно тестирање и нема да им дозволи на корисниците да учествуваат во групни четови или испраќање на мултимедиумски пораки со фотографии или видеа.