Google ги најавува Pixel 7a, Pixel Fold, и Pixel 8 за 10 мај

Google официјално ја најавува својата девелоперска конференција, која што ќе се одржи на 10 мај пред мала пубика. Регистрацијата е бесплатна и може да се регистрирате уште од сега на овој линк. Google објави дека со регистрацијата за Google I/O 2023, е овозможено да имате преглед за распоредот на настанот, заедно со најновите девелоперски вести преку официјален e-mail. 

Може да креирате и девелоперски профил за да го извлечете најдоброто дигитално искуство преку снимање на содржини, што се важни за вас. На I/O 2023 настанот се очекува презентирање на новиот Android 14, а до мај бета верзијата на Android 14 сигурно ќе биде достапна за корисниците на Pixel.

Ќе се откријат спецификациите за Pixel 7a, кој пристигнува со 6.1-инчен AMOLED дисплеј и 90Hz, 64MP Sony IMX787 сензор за камерата, 13MP Sony IMX712 ултра-широк сензор, Google Tensor 2 процесор. Се очекува да бидат откриени повеќе информации за Pixel Fold, Pixel Tablet, и Pixel 8 серијата.