Првиот Android телефон со „Dynamic Island“ сега има „мини капсула“

Објавено на 10.03.2023 во Android



Првиот Android телефон со „Dynamic Island“ сега има „мини капсула“

„Мини капсулата“ на Realme е копија од Dynamic Island на Apple, кој што служи за мултитаскинг за нотификации. Извршниот директор на Realme објави твит за Realme C серијата, со акцент на „мини капсулата“. Тоа значи дека првиот Android телефон со Dynamic Island ќе биде на Realme.

Онлајн продавницата на Realme во Индонезија сега го објави C55 моделот за продажба со еден punch-hole за предната камера. Со скролањето на истата веб страница одоздола може да ја сретнете сликата на која што пишува "Say Hello to Mini Capsule."

Во споредба со iPhone Dynamic Island, кој има капсула со форма на пилула од горната страна на екранот, „мини капсулата“ се проширува од единечниот punch-hole, како што можете да видите на сликата. Realme C55 има почетна цена од 160 долари за моделот со 6GB RAM/128GB меморија или 195 долари за моделот со 8GB RAM + 256GB меморија. 

Автор: Aleksandar Stankov