Samsung Galaxy Tab S9 Ultra: Спецификации за новиот премиум таблет
Samsung планира да лансира уште еден Ultra уред оваа година, но нема да биде смартфон, туку таблет. Спецификациите за новиот модел Galaxy Tab S9 Ultra се објавени од ликстерот Revegnus на Twitter. Тој тврди дека новиот премиум таблет на Samsung ќе биде со Snapdragon 8 Gen 2 for Galaxy процесор. Тоа е истиот над-клокнат процесор од Qualcomm специјално изработен за Samsung.
Истиот твитерџија додава дека Galaxy Tab S9 Ultra ќе биде со 10.880mAh батерија, што е за 3% помала во споредба со батеријата од 11.220mAh кај минатиот Galaxy Tab S8 Ultra. Snapdragon 8 Gen 2 for Galaxy во секој случај е многу поефикасен процесор во споредба со Snapdragon 8 Gen 1 кај Galaxy Tab S8 Ultra, што значи дека од новиот модел на таблет се очекува подолготрајна батерија.
Wi-Fi верзијата на Galaxy Tab S9 Ultra е со кодно име SM-X910U и 5G верзијата ќе биде со кодно име SM-X918U. Samsung се очекува да ги претстави Galaxy Tab S9, Galaxy Tab S9+ и Galaxy Tab S9 Ultra.
