Кога iPhone ќе добие дизајн со „целосен-екран“?

Објавено на 04.04.2023 во iOs



Кога iPhone ќе добие дизајн со „целосен-екран“?

Ликстерот Рос Јанг објави дека Apple имал проблеми со сензорот под дисплејот за Face ID технологијата, на која што компанијата работи на моделот за 2025 година. Јанг е ко-сопственик и извршен директор на Display Supply Chain Consultants (DSCC) и денеска твитал дека дисплејот на iPhone ќе се промени во текот на годините. 

До 2027 година, iPhone 19 Pro моделите ќе бидат со дисплеј без никакви исечоци. Според Рос Јанг, iPhone 19 Pro и iPhone 19 Ultra би можеле да бидат со дизајн со „целосен екран“. Да резимираме: iPhone 15 Pro, iPhone 15 Ultra, iPhone 16 Pro, и iPhone 16 Ultra ќе имаат Dynamic Island, а тоа ќе се промени со iPhone 17 Pro и iPhone 17 Ultra во 2025 година. Тие модели ќе дебитираат со Face ID сензор вграден под екранот, со дупка во екранот за предната Face Time камера. iPhone 18 Pro и iPhone 18 Ultra во 2026 ќе имаат ист изглед. Тоа ќе се промени со iPhone 19 и Face ID сензорот под екранот, а Face Time камерата под екранот ќе го креира дизајнот со „целосен-екран“. 


Текстот не смее да се печати или емитува, во целина или во делови без договор со Telefoni.mk.