Samsung претстави воени уреди: Galaxy S23 Tactical Edition и XCover 6 Pro Tactical Edition

Samsung најави два нови уреда: Galaxy S23 Tactical Edition и XCover 6 Pro Tactical Edition. Овие модели се наменски произведени за американската војска, дизајнирани да асистираат во операции со тешки услови. Galaxy S23 Tactical располага со IP68 сертификат, што значи дека може да издржи до 1.5 метри длабочина во слатка вода до 30 минути.

Дисплејот има Gorilla Glass Victus 2+ заштита со Armor Aluminum дизајн, со солидна футрола, специјално наменета за носење на градите на војникот. XCover 6 Pro Tactical Edition располага исто така со IP68 сертификат, и ги содржи MIL-STD-810H воените спецификации. Тоа значи дека уредот може да преживее пад од 1,5 метри и може да функционира во екстремни температури.  Galaxy S23 Tactical Edition е со Snapdragon 8 Gen 2 процесор, додека XCover 6 Pro Tactical Edition е со Snapdragon 778G процесор.