Непознат Galaxy уред со Exynos 2300 се појави на GeekBench
Exynos 2400 процесорот се очекува да биде моќен процесор, а Samsung наводно го планира за следната предводничка Galaxy S24 линија за одредени пазари. Exynos 2300 го немаше кај Galaxy S23 линијата, кои беа опремени со Snapdragon 8 Gen 2 for Galaxy процесор за сите региони.
Модифицирана верзија на Exynos 2300 се очекува да се примени кај Google Tensor 3 процесорот, кој ќе биде вграден во Pixel 8 и Pixel 8 Pro. Објавен е GeekBench бенчмарк тест со мистериозен Galaxy уред, познат под името SM-S919O.
Exynos 2300 ќе биде вграден во овој непознат уред. Овој чипсет ќе биде со 9-јадрен процесор со едно Prime Cortex-X3 јадро со 3.09GHz, четири Cortex-A715 јадра со 2.65GHz, и четири Cortex-A510 ефикасност со 2.1GHz. Првата помисла е дека се работи за Samsung Galaxy S23 FE .