Samsung Galaxy Watch 6 и Watch 6 Classic: Објавени промотивните слики со очекувани цени и бои

Објавено на 22.06.2023 во Смарт часовници



Samsung Galaxy Watch 6 и Watch 6 Classic: Објавени промотивните слики со очекувани цени и бои

Samsung ќе ги претстави Galaxy Watch 6 и Galaxy Watch 6 Classic на следниот Unpacked настан, од кои вториот е повеќе премиум модел. Веќе предвремено се објавени промотивни маркетинг слики со Samsung Galaxy производите резервирани за Unpacked церемонијата.

Францускиот сајт Dealabs Magazine (via 9to5Google) ги објави промотивните материјали и ги предвиде цените и боите за Galaxy Watch 6 и Galaxy Watch 6 Classic. Galaxy Watch 6 со 40мм ќе биде понуден во графитна и крем боја, Bluetooth верзијата ќе биде 320 евра, додека LTE моделот ќе биде 370 евра. Со 44мм рамка, боите се графитна и сребрена, Bluetooth верзијата е 350 евра, а LTE верзијата 400 евра.

Galaxy Watch 6 Classic ќе биде понуден со 43мм рамка во црна и сребрена верзија. Bluetooth цената ќе биде 420 евра, додека LTE моделот 470 евра. Истите бои ќе бидат понудени во 47мм кај Galaxy Watch 6 Classic со Bluetooth за 450 евра или во LTE верзија ќе чини 500 евра.