Излезе Shazam 5.0 за iOS и Android
Shazam, една од најпопуларните музички апликации, сега ја доби својата петта верзија за двете најпопуларни платформи, iOS и Android.
Shazam 5.0 ветува побрзо идентификување на музиката, но сега носи и TV интеграција. Што значи ова?
Ова значи дека сега апликацијата ќе може да препознае песна и од некој спот или друга програма, а во игра ќе биде вклучено и препознавање на емисии, филмови, спотови, реклами и слична содржина. Ова се вклопува во плановите на компанијата која планира и на оваа платформа да се развие значително во текот на следниве 2-3 години.
Верзијата 5 освен што носи и побрзо идентификување, носи и побрзо стартување на апликацијата. А, за iOS носи и „инстант означување“ на почетокот- опцијата која досега беше присутна само за Android.
Апликацијата е бесплатно достапна за iPhone/iPod Touch, iPad и Android.