Новиот BlackBerry ќе има Qualcomm процесори

Полека почнува да се разоткрива мистеријата околу новите смартфони BlackBerry кои ќе работат на сосема нов оперативен систем, апоследните вести поврзани со компанијата Research in Motion даваат добри знаци на надеж.

Најпрво беше откриено дека новите уреди со оперативниот систем BlackBerry 10 ќе имаат екрани со резолуција од 1280 х 720 пиксели, а најновиот податок вели дека RIM ќе соработува со Qualcomm за обезбедување на чиповите за долго очекуваните уреди. Според очекувањата Qualcomm ќе обезбеди Snapdragon S4 Pro MSM8960T процесор. Тој ќе работи со брзина од 1.5 GHz, а доаѓа од серијата Dual Krait која е специјализирана за обезбедување на висока резолуција и мултитаскинг.

Комбинацијата од комплетно нов софтвер, екран со висока резолуција и брз и квалитетен процесор, ветува дека новите BlackBerry смартфони ќе се најдат повторно на високо ниво.