Доаѓа Galaxy Pocket Duos од Samsung

Samsung и понатаму ја проширува Duos серијата на смартфони со две SIM картички и Android.

Најновиот претставник на серијата се вика Samsung Galaxy Pocket Duos и би требало да биде најповолниот од неговата класа.

Телефонот работи на Android 2.3 Gingerbread и има 2,8 инчен QVGA дисплеј, процесор на 832MHz и 2GB внатрешна меморија која се проширува преку microSD картичка. Од позади има камера од 2 мегапиксели.

Телефонот е компактен со димензии од 103,9 x 57,9 x 12,98 mm, а тежи едвај 100 грама. Во него е сместена батерија од 1,200mAh која издржува 15 часа разговор во 2G и 6 часа во 3G.

Цената на Galaxy Pocket Duos засега не се знае,  но се очекува да се продава за 120 евра.