iOS му рече „чао“ на Firefox Home

Откако Chrome зема голем замав на iOS, заедно со Safari, овие два пребарувачи станаа доминантни играчи на iOS пазарот.

Ова значи дека сите други пребарувачи, како Firefox Home проектот на Mozilla, излегуваат од игра. И покрај тоа што Mozilla навистина се потруди на iOS да му понуди еден солиден пребарувач, изгледа дека едноставно корисниците не го прифаќаа.

Нивната Firefox Home апликација беше наменета да служи само како екстензија за десктоп верзијата која овозможува синхронизација помеѓу табови, одбележувачи и историја на пребарување.

Mozilla изјави дека Firefox Home бил „само експеримент кој требало да доближи дел од Firefox искуството на iOS“, но сепак одлучиле да го отстранат Firefox Home од Apple App Store и ресурсите да ги фокусираат на други проекти.

Но, и позицијата на Chrome не е нешто стабилно, со оглед на тоа дека Safari е сè уште доминантен играч. А, со излегувањето на iOS 6 и iPhone 5 на крајот од месецов, ќе очекува и побрза верзија на Safari.