Bing Maps вели дека не постојат Израел, Јапонија и Јужна Кореја

Покрај Apple Maps, и Bing Maps за Windows Phone 8 почнаа да промашуваат земји, од 110-те кои ги покриваат.

Ова се случува и покрај најновата технологија, навигацијата Navteq, која е интегрирана во Windows Phone 8. Според Bing Maps, Израел, Јапонија и Јужна Кореја не постојат на мапата. Иако овие три земји постоеја во претходната верзија, во најновата исчезнале.

Не се знае што е полошо, дали да исчезнат три земји или да се промашуваат имиња на градови и познати места како што направи Apple.

Но, за разлика од Microsoft кој сè уште е нем, директорот на Apple, Тим Кук, веднаш ѝ се извини на јавноста и дури предложи користење на конкурентските сервиси – читајте Google Maps.