Nokia Lumia 505 доаѓа ‘наскоро’
Информацијата за Nokia Lumia 505 се појави пред само неколку дена, а сега повторно се шират шпекулации дека ‘наскоро’ и ќе се појави. Lumia 505 е пристоен уред кој официјално не е претставен од Nokia, и засега се чини дека неговото пуштање во продажба ќе биде на ограничени пазари.
Перформансите кои ги вклучува се повеќе од одлични за еден ваков смартфон, а посебно изненадувачки е 8-мегапикселната камера. Тоа е одлична вест за оние кои преферираат помали и пристојни уреди.
Тука се дадени спецификациите кои се познати досега за Lumia 505:
- 3.7-инчен Super AMOLED дисплеј со резолуција од 480 x 800 пиксели
- 8MP задна камера
- 4GB внатрешна меморија
- Windows Phone 7.8
Lumia 505 ќе може да се купи во три бои - црна, црвена и пурпурна. За цената и датумот на појавување се надеваме дека ќе имаме повеќе информации наскоро.
