BlackBerry 10 ќе има дури шест уреди
Компанијата RIM најави вистинска офанзива на пазарот на смартфони оваа година со лансирање на новиот оперативен систем, како и шест нови уреди кои ќе ги покријат сите класи на квалитет.
Досега веќе пренесовме дека ќе видиме четири нови BlackBerry 10 смартфони, по два со екран на допир и два со QWERTY тастатура кои ќе се натпреваруваат во високата и средната класа. Изгледа дека RIM сака уште поголемо учество на пазарот и има голема доверба во својот нов производ за кој досега имаме само пофални зборови.
RIM на 30 јануари ќе го лансира BlackBerry 10 а првиот уред ќе се најде во продажба во март. Засега сигурни се BlackBerry серијата L10 со QWERTY тастатура и BlackBerry Z10 со екран на допир, што значи дека шпекулациите за сериите N и X полека почнуваат да се остваруваат, па останува наскоро да видиме дали компанијата ќе се врати на старите патеки на успехот..