Претставен HP Slate 7 со цена од 170 долари
Објавено на 25.02.2013 во Новости
HP го претстави својот прв таблет кој работи на Android - HP Slate 7. Овој најнов уред на HP има доста конкурента цена од само 170 долари, а ќе почне да се продава од април.
Во однос на спецификациите, Slate 7 има 7-инчен екран со 1.024 х 600 резолуција FFS+ LCD, 1.6GHz, ARM Cortex A9 процесор, 1GB RAM, 8GB внатрешна меморија со microSD слот за картичка, Wi-Fi 802.11a/b/g/b, Bluetooth 2.1, главна камера од 3МР, предна камера VGA, стерео звучници и Beats Audio. HP Slate 7 работи на Android 4.1 Jelly Bean.
Исто така, Slate 7 доаѓа со ePrint, софтвер на HP за безжично принтање на документи директно од уредот користејќи компатибилен HP принтер. Но, оваа апликација е достапна за сите Android и iOS уреди исто така.
Текстот не смее да се печати или емитува, во целина или во делови без договор со Telefoni.mk.