Доаѓа Sony Xperia SP

Објавено на 15.03.2013 во Новости



Доаѓа Sony Xperia SP

И додека сите се во еуфорија од големото претставување на Samsung Galaxy S 4, Sony најави дека наскоро доаѓа уште еден модерен уред. Покрај неодамнешното претставување на врвниот смартфон Xperia Z и неговата одлична продажба, јапонскиот гигант веќе закажа прес конференција за следниот уред во мобилната технологија.

За Sony Xperia SP веќе одамна се шират гласини, но официјално ќе биде претставен на 18 март во Москва. Xperia SP најверојато ќе работи на Qualcomm Snapdragon S4 Pro MSM8960T платформата со 1.7GHz dual-core Krait процесор и Adreno 320 графички процесор.  Екранот ќе биде со 4.6 инчи и резолуција од 720р, додека пак главната камера ќе има 8МР со Exmor RS сензор. SP се очекува да има 8GB внатрешна меморија која ќе може да се прошири со microSD картичка.

Цената и останатите информации ќе ги дознаеме на 18 март.

Автор: Aleksandar Stankov