Sony Mobile во пролетна офанзива
Јапонската компанија Sony како никогаш досега покажува сериoзни амбиции да го превземе врвот во мобилната индустрија претставувајќи се со неколку одлични уреди, меѓу кои и врвниот смартфон Sony Xperia Z. Сега е највено дека кон крајот на мај во продажба ќе биде пуштен и новиот Sony Xperia Tablet Z.
Овој таблет беше најавен пред два месеци и може да се каже дека се работи за врвен уред со екран од 10 инчи со HD резолуција, четири-јадрен процесор Qualcomm Snapdragon S4 Pro со брзина од 1.5 GHz, батерија со капацитет од импресивни 6000 mAh, додека за оперативниот систем е одбран Android 4.1.2 Jelly Bean.
Sony Xperia Tablet Z има повеќе верзии во поглед на меморискиот капацитет од 16 и 32 GB, додека за конекција се достапни верзии со LTE мрежа и само Wi-Fi поврзување и затоа цената се движи од 600 до 800 долари. Претходно Sony Mobile најави дека во продажба ќе бидат пуштени и двата нови смартфони Sony Xperia SP и Xperia L.