Пола милион симнувања на Facebook Home
И покрај огромната медиумска кампања за претставувањето на новиот Facebook Home, од 12ти Април од кога е достапен во Google Play Store бројот на симнувања е само 500.000. Ова е одредено преку промената на графикот кој покажува опсег во гранците од 100.000 до 500.000 остварени симнувања на апликацијата.
Оваа бројка покажува дека нема споредба со оние 5 милиони симнувања на Instagram за првите 6 дена за телефоните на Android, но треба да нагласиме и дека Facebook Home е достапен за само одредена група на уреди. Оваа група ги вклучува телефоните: Samsung Galaxy S III, Samsung Galaxy Note II, HTC One X, HTC One X+ и неодамна објавениот HTC One.
HTC First е смартфонот кој беше лансиран конкретно за Facebook Home во соработка помеѓу тајванската компанија HTC и Facebook.
Сепак останува да видиме во наредниот период каква ќе биде заинтересираноста за оваа долго-најавувана апликација на најпознатата социјална мрежа.