NBA 2K14 ќе се игра на уредите со iOs

Најновото продолжение на NBA 2K14, најдобрата кошаркарска симулација, сега е достапна за превземање од iTunes за сите смартфони и таблети со оперативен систем iOs. NBA 2K14 е игра која се појавува пред официјалниот старт на новата сезона во најсилната кошаркарска лига во светот NBA и ќе ги има комплетните состави на играчи на сите тимови.

 

 

Заштитно лице на NBA 2K14 е актуелниот носител на шампионскиот прстен Леброн Џејмс, кој две години по ред ја освојува шампионската титула си Мајами Хит, а исто така музичкиот избор на песни во играта е направен според негови предлози.

 

 

Од NBA 2K14 треба да очекувата забавна игра со квалитетна графика и можност да влезете во „патиките“ на најдобрите кошаркари на светот. Играта во iTunes ќе ве чини 7.99 долари и истата зафаќа простор од 1.2 GB. NBA 2K14 сеуште не е достапна за корисниците на Android, но тоа би требало да се случи наскоро.