Nokia MixRadio е најнов музички сервис
Објавено на 21.11.2013 во Windows
Музичкиот плеер Nokia Music кој има и можност за слушање на радио станици и други извори на аудио фајлови се ребрендираше и стана Nokia MixRadio што многу повеќе доликува на вистинските можности на сервисот.
Меѓутоа не е променето само името, што значи дека Nokia направи огромна промена во корисничкиот интерфејс со нов модерен и попрегледен дизајн, како и додавање на повеќе нови функции на Nokia MixRadio.
Со Nokia MixRadio освен што може да слушате музика на традиционалниот начин преку внес на MP3 фајлови и локални и интернет радио станици, апликацијата ќе ви послужи и да ја споделувате вашата омилена музика со пријателите на социјалните мрежи Facebook и Twitter.
Апликацијата исто така ви дава пристап до огромната база со песни на Nokia каде може да откривате нови наслови и изведувачи, како и да добивате информации за концерти и свирки. Дел од интернет базата на песни се наплаќа, но може да направите комбинација со која одредени песни ќе може да ги слушате бесплатно кога не сте поврзани на интернет.
Текстот не смее да се печати или емитува, во целина или во делови без договор со Telefoni.mk.