За прв пат се појави Huawei Ascend P7
Објавено на 19.02.2014 во Новости
Huawei неодамна се проби во медиумите со нападот кон Samsung и Apple преку контроверзната реклама за новите производи кои доаѓаат наскоро, односно ќе бидат претставени на Светскиот мобилен конгрес во Барселона. Сега се открива дека меѓу нив е и смартфонот Huawei Ascend P7.
.jpg)
Според досегашното искуство од Huawei Ascend P7 може да очекуваме да биде еден од најдобрите смартфони со премиум дизајн и многу квалитетни компоненти, како наследник на одличниот Huawei Ascend P6. Овој смартфон познат и под името Huawei Sophia ќе работи на новата верзија на корисничкиот интерфејс Huawei Emotion UI заедно со новиот оперативен систем Android 4.4 KitKat.
На само неколку дена пред започнувањето на MWC 2014 се појавуваат првите слики од Huawei Ascend P7 од кои може да се забележи дека смартфонот ќе има камера со двоен LED блиц, како и поголем екран од 5 инчи. Дизајнот и понатаму е мошне впечатлив и смартфонот ќе биде понуден во бела, црна, розева и златна боја.
Текстот не смее да се печати или емитува, во целина или во делови без договор со Telefoni.mk.
