Huawei Ascend G6 - Премиум дизајн по ниска цена
Објавено на 27.02.2014 во Новости
Huawei претстави нов смартфон иснпириран од ланскиот Huawei Ascend P6 кој беше еден од најтенките на пазарот со само 6.18 милиметри и одлична помина кај купувачите. Сега доаѓа еден вид мини верзија наречена Huawei Ascend G6 кој е солиден смартфон и ќе се продава по многу достапна цена од само 250 евра.
Huawei Ascend G6 има 4.5 инчен IPS LCD екран со резолуција од 540 x 960 пиксели, потоа работи на четири-јадрен процесор со брзина од 1.2 GHz, комбиниран со 1 GB RAM и 4 GB меморија со можност за надополнување до 32 GB преку microSD мемориска картичка.
Смартфонот работи на оперативниот систем Android 4.3 Jelly Bean во комбинација со корисничкиот интерфејс Huawei Emotion UI 2.0 Lite. На задната страна на Huawei Ascend G6 е сместена 8 мегапикселна камера, додека неговата батерија има капацитет од 2000 mAh и може да се поврзе на 4G LTE мобилната мрежа. Huawei Ascend G6 ќе биде пуштен во продажба во март.
Текстот не смее да се печати или емитува, во целина или во делови без договор со Telefoni.mk.
